अमृता फडणवीसांनी यांनी सोशल मीडियावर माँ कामाख्या देवीच्या मंदिराला भेट दिली. आसामची राजधानी गुवाहाटी येथे असलेले माँ कामाख्या देवी मंदिर हे शक्तीपीठांपैकी एक मानले जाते. देशभरातून भाविक येथे देवीच्या दर्शनासाठी येतात. महाराष्ट्राचे मुख्यमंत्री देवेंद्र फडणवीस यांच्या पत्नी अमृता फडणवीस यांनी कामाख्या देवीचे दर्शन घेतले आणि या भेटीची चर्चा सोशल मीडियावर मोठ्या प्रमाणात रंगली.अमृता फडणवीस या केवळ मुख्यमंत्री पत्नी म्हणूनच नव्हे, तर गायिका, सामाजिक उपक्रमांमध्ये सक्रिय असलेली व्यक्तिमत्त्व म्हणून ओळखल्या जातात. त्यांच्या प्रत्येक सार्वजनिक उपस्थितीकडे लोकांचे लक्ष असते. मात्र गुवाहाटीतील या धार्मिक भेटीत त्यांनी अतिशय साधा, पारंपरिक आणि संयत लूक स्वीकारल्याने अनेकांनी त्यांचे कौतुक केले. त्यांचे हे फोटो सोशल मीडियावर व्हायरल होत आहेत.
पिवळ्या चिकनकारी ड्रेसमधील साधा आणि सोज्वळ लूक
या भेटीदरम्यान अमृता फडणवीस पिवळ्या रंगाच्या चिकनकारी ड्रेसमध्ये दिसून आल्या. ना जड दागिने, ना भडक मेकअप फक्त हलके दागिने, साधी केशरचना आणि शांत, प्रसन्न चेहरा. त्यांच्या या सोज्वळ लूकने अनेकांच्या मनावर छाप पाडली. पिवळा रंग हा भारतीय संस्कृतीत शुभतेचे, सकारात्मकतेचे आणि आध्यात्मिक ऊर्जेचे प्रतीक मानला जातो. त्यामुळे देवीच्या दर्शनासाठी निवडलेला हा रंग अनेकांनी अर्थपूर्ण असल्याचे म्हटले. त्यांच्या या वेशभूषेतून श्रद्धा आणि साधेपणाचे सुंदर दर्शन घडले.
लखनवी ड्रेसवरील नक्षी
चिकनकारी ड्रेसवरील नक्षी ही अतिशय नाजूक, पारंपरिक आणि हाताने केलेल्या कलेसाठी ओळखली जाते. उत्तर प्रदेशातील लखनौ येथून ही कला उदयास आली असून तिचा सौंदर्यभाव आजही तितकाच लोकप्रिय आहे.लहान-मोठी फुले, कळ्या आणि वेलबुट्टी ही चिकनकारीची ओळख आहे. ही नक्षी ड्रेसला सौम्य आणि एलिगंट लूक देते. ह्या सुंदर ड्रेसमध्ये अमृता फडणवीस खूपच हटके दिसत आहेत.
अमृता फडणवीस यांचा मेकअप लूक
त्यांनी जड फाउंडेशन न वापरता लाइट बेस क्रीम वापरलेली दिसते. त्वचेचा नैसर्गिक टोन जपणारा, मॅट-टू-सॅटिन फिनिशचा मेकअप आहे. कुठेही केकीपणा नाही. गालांवर हलका पीच किंवा सॉफ्ट पिंक ब्लश वापरलेला दिसतो. फारसा हायलाइट नाही, फक्त नैसर्गिक ग्लो जाणवतो जो स्किन केअरमुळे जास्त वाटतो. कमीत कमी मेकअप करून त्यांनी हा लुक पूर्ण केला आहे.
अमृता फडणवीसांच्या या मंदिरभेटीचे फोटो सोशल मीडियावर व्हायरल होताच, नेटकऱ्यांनी विविध प्रतिक्रिया दिल्या. “खूपच सुसंस्कृत आणि साधा लूक”,“खरी भारतीय संस्कृती जपणारी महिला”,“सौंदर्य साधेपणातच असते” अशा अनेक प्रतिक्रिया त्यांच्या फोटोखाली पाहायला मिळाल्या.
