प्रजासत्ताक दिनाच्या पूर्वसंध्येला रविवारी देशभरातील ८७४ पोलिसांना राष्ट्रपती पदके जाहीर करण्यात आली. पोलिस दलात केलेले शौर्य, उल्लेखनीय सेवा आणि गुणवत्तापूर्ण कामगिरीबद्दल महाराष्ट्रातील ७५ पोलिसांना गौरवण्यात येणार आहे. राज्यातील पदक विजेत्यांमध्ये मुंबई पोलिस दलातील राजीव जैन, महेश पाटील, पुरुषोत्तम कराड, महेश तावडे यांचा समावेश आहे.
देशभरातील ८७४ पोलिसांना राष्ट्रपती पदके देण्यात येणार असून, यामध्ये महाराष्ट्रातील ७५ पोलिसांचा समावेश आहे. त्यात ३१ पोलिस अधिकारी आणि कर्मचारी यांना शौर्य पदके, चार पोलिसांना उल्लेखनीय सेवेबद्दल, तर ४० पोलिसांना गुणवत्तापूर्ण कामगिरीबद्दल पदके जाहीर करण्यात आली आहेत. अतिरिक्त पोलिस आयुक्त महेश पाटील, उपायुक्त बाळकृष्ण यादव, एसीपी सायरस इराणी, विठ्ठल कुबडे यांना उल्लेखनीय सेवेबद्दल गौरवण्यात येणार आहे.
गुणवत्तापूर्ण सेवेसाठी राज्यातील ४० पोलिसांना राष्ट्रपती पदकांनी सन्मानित करण्यात येणार आहे. पोलिस दलातील गुणवत्तापूर्ण कामगिरीबद्दल पदक विजेत्यांमध्ये महानिरीक्षक राजीव जैन, सुधीर हिरेमठ, अधीक्षक शीला साईल, मोहन दहीकर, पुरुषोत्तम कराड, किरण पाटील, नीलम व्हावळ, अविनाश शिलीमकर, गजानन शेळके, महेश तावडे, विजय माहुलकर, समीर साळुंके, पराग पोटे, दयानंद गावडे, पुष्पलता दिघे, सुनील शिंदे, सुवर्णा शिंदे, अनंत माळी, महेंद्र कोरे, कैलास बाराभाई, विजय मोहिते, भारत सावंत, नरेंद्र राऊत, सतीश निंबाळकर, अफझल खान, प्रदीप सावंत, सुभाष साळवी, प्रमोद वाघमारे, विजयकुमार शिंदे, विक्रम नावरखेडे, विजय देवरे, मनोज गुजर, अजय सावंत, गंगाधर घुमरे, संजय शेलार, महादेव खंदारे, राजकुमार तोलणुरे, बाबासाहेब ढाकणे, शिवदास फुटाणे, सुरेश सोनावणे यांचा समावेश आहे.
पोलिस दलात शौर्य बजावणाऱ्या ३१ जणांना गौरवण्यात येणार असून, यामध्ये अमोल फडतरे, वासुदेव मडावी, मधुकर नैताम, संतोष नैताम, विलास पोर्टेट, विश्वनाथ सडमेक, ज्ञानेश्वर तोरे, दिलीप सडमेक, रामसु नरोटे, आनंदराव उसेंडी, राजू चव्हाण, अरुण मेश्राम, नितेश वेलादी, मोहन उसेंडी, संदीप वसाके, कैलास कोवासे, हरिदास कुळयेति, किशोर तलांडे, अनिल आलम, नरेंद्र मडावी, आकाश ऊईके, राजू पुसाली, महेश जाकेवर, रुपेश कोडापे, मुकेश सडमेक, घिस्सू आत्राम, अतुल मडावी, विश्वनाथ मडावी यांचा समावेश आहे; तर सुधाकर वेलादी आणि कारे आत्राम यांना मरणोत्तर शौर्य पदकांनी गौरविण्यात येणार आहे.
