बीड जिल्ह्यातील शिरुरमध्ये एका 30 वर्षीय तरुणाच्या डोक्यात दगड घालत ठेचून ठार मारलं. ही घटना सकाळी उघडकीस आल्याचं चित्र आहे. खून करण्यात आलेला तरुण हा रंगकाम करायचा अशी माहिती समोर आली.
एका शिवारात त्याचा मृतदेह आढळल्यानंतर हा धक्कादायक प्रकार उघडकीस आला. परिस्थिती पाहता पोलिसांनी घटनास्थळी धाव घेत आरोपीच्या खूनाचा शोध सुरु केला.
बीडमधील कायदा आणि सुव्यवस्थेचा प्रश्न समोर
दरम्यान, बीड जिल्ह्यात सध्या वाढत्या गुन्हेगारीच्या घटनेत मोठ्या प्रमाणात वाढ झाली आहे. यामुळे बीडमधील कायदा आणि सुव्यवस्थेचा प्रश्न समोर आला आहे. बीडच्या शिरुर तालुक्यातील शिरुर पोलीस ठाणे परिसरातील खोकर मोहर येथे तरुणावर दगडाने हल्ला करत खून करण्यात आला. या घटनेनं परिसर हादरून गेला आहे.
खोकर मोहर शिवारात तरुणाचा मृतेदह
पोलिसांनी घटनास्थळी धाव घेतल्यानंतर तपास केला असता, तेव्हा खोकर मोहर शिवारात तरुणाचा मृतेदह आढळून आल्याचे वृत्त समोर आले. पोलिसांनी या प्रकरणाचा पुढील तपास सुरु ठेवला आहे. दरम्यान, बीड जिल्ह्यात मोठ्या प्रमाणात गुन्हागारीत वाढ होताना दिसतेय. या वाढणाऱ्या गुन्हेगारीमुळे कायदा आणि सुव्यवस्थेचा प्रश्न ऐरणीवर आला आहे.
