सोलापूर शहरातील प्रभाग क्रमांक 2 मध्ये मनसे नेता बाळासाहेब सरवदे खून प्रकरण राज्यभर गाजले होते. भाजपच्या दोन गटा झालेल्या हाणामारीत मनसे विद्यार्थी सेनेचा शहर अध्यक्ष बाळासाहेब सरवदे याचा निर्घृण खून झाला होता. भाजप उमेदवार शालन शिंदें व त्यांचं संपूर्ण कुटुंब या खून प्रकरणात सध्या न्यायालयीन कोठडीत आहेत. उमेदवारी अर्ज मागे घेण्यावरून 2 जानेवारी रोजी दुपारी वादास सुरुवात झाली,सांयकाळी वाद विकोपाला जाऊन खून झाला होता. तेव्हा पासून भाजप उमेदवार शालन शिंदें तुरुंगात आहेत. कोणत्याही प्रकारचा प्रचार न करता, भाजपच्या शालन शिंदें या निवडून आल्या आहेत. उत्तर सोलापूर विधानसभा मतदार संघाचे भाजप आमदार विजयकुमार देशमुख यांचे पुत्र डॉ किरण देशमुख हे या प्रभागात भाजपचे नेतृत्व करत होते. भाजपच्या शालन शिंदे या तुरुंगात असून आणि कोणत्याही प्रकारचा प्रचार न करता 10 हजार 767 इतक्या मताधिक्याने निवडून आल्या आहेत. भाजपच्या शालन शिंदें आणि शिवसेना शिंदें पक्षाच्या आफ्रिन पठाण यांच्यात लढत झाली होती. आफ्रिन पठाण यांचा पराभव करत शालन शिंदें विजयी झाल्या आहेत.
सोलापूर महानगरपालिका निवडणुकीत उमेदवारी अर्ज माघारी घेण्याची शेवटची मुदत 2 जानेवारी होती. प्रभाग क्रमांक 2 मध्ये रेखा सरवदे आणि शालन शिंदें या दोन्ही उमेदवारांनी भाजपकडून उमेदवारी मागितली होती. भाजपने शालन शिंदें याना उमेदवारी जाहीर केली होती. रेखा सरवदे यांना उमेदवारी माघारी घेण्यावरून मोठा राजकीय दबाव निर्माण करण्यात आला होता.
दबावाच्या राजकारणामुळे तणाव निर्माण होऊन हाणामारी झाली होती. दोघेही एकाच समाजाचे आहेत, भांडण करू नका, असे अंगात मनसे नेते बाळासाहेब सरवदे यांनी मध्यस्थी करण्याचा प्रयत्न केला होता. या वादविवादात शालन शंकर शिंदेंच्या कुटुंबातील सदस्यांनी धारदार हत्याराने बाळासाहेब सरवदेला खुपसले होते. त्यातच बाळासाहेब सरवदेचा मृत्यू झाला. या घटनेने सोलापूर सह राज्यातील राजकारण ढवळून निघाले होते. मनसे नेते अमित ठाकरे स्वतः सोलापुरात येऊन सरवदे कुटुंबाची भेट घेऊन संताप व्यक्त केला होता.
बाळासाहेब सरवदे खून प्रकरणात भाजप उमेदवार शालन शिंदेंसह एकूण 15 जणांवर जेलरोड पोलीस ठाण्यात गुन्हा दाखल झाला आहे. तेव्हा पासून निवडणूक संपेपर्यंत भाजप उमेदवार शालन शिंदें व त्यांचे कुटुंब तुरुंगात आहे. शालन शिंदेंच्या विरोधात शिवसेना शिंदें पक्षाच्या आफ्रिन पठाण यांचा विजय होईल अशी चर्चा प्रभाग 2 मध्ये केली जात होती. 16 जानेवारी रोजी धक्कादायक निकाल लागला असून तुरुंगात असलेल्या शालन शिंदें व त्यांच्या पॅनल मधील सर्व भाजप उमेदवारांनी विजय मिळवला आहे.
