व्हीएसआर एव्हिएशन या कंपनीच्या विमानाचा मुंबईतही झाला होता अपघात

बारामती विमानतळावर लँडिंग करताना कोसळले जेट विमान कोसळले ज्यात महाराष्ट्राचे उपमुख्यमंत्री अजित पवार यांचे निधन झाले. या दुर्घटनेत अजित पवार यांच्यासह पाच जणांचा मृत्यू झाला. हे विमान व्हीएसआर एव्हिएशन या कंपनीचे होते. यापूर्वीही या कंपनीच्या विमानाचा मुंबईत अपघात झाला होता.

बुधवारी सकाळी बारामती विमानतळावर उतरण्याचा प्रयत्न करत असताना ही विमान दुर्घटना घडली. सकाळी 8.50 च्या सुमारास हा अपघात झाला.या दुर्घटनेत अजित पवार यांच्यासह त्यांचे वैयक्तिक सुरक्षा अधिकारी विदीप जाधव, पायलट कॅप्टन सुमित कपूर, कॅप्टन शांभवी पाठक, फ्लाईट अटेंडंट पिंकी यांचा मृत्यू झाला.

2023 मध्ये घडला होता अपघात

व्हीएसआर एव्हिएशनच्या याच प्रकारच्या एका विमानाला 2023 मध्ये मुंबई विमानतळावर खराब हवामानामुळे अपघात झाला होता. त्यावेळी एक लीअरजेट 45 विमान विशाखापट्टणमहून मुंबईला येत होते. विमानाने विशाखापट्टणमहून उड्डाण केले आणि प्रवासात काहीही अडचण आली नाही. विमानाने मुंबई टॉवरशी संपर्क साधला आणि उतरण्यासाठी तयारी करण्यास सांगितले. विमानाला धावपट्टी 27 वर उतरण्याची परवानगी देण्यात आली आणि सायंकाळी 5.01 वाजता उतरण्याची परवानगी मिळाली. उतरण्याच्या वेळी, मुंबई विमानतळावर जोरदार पाऊस आणि कमी दृश्यमानता होती,” असे विमान अपघात तपासणी ब्युरोने (AAIB) म्हटले आहे.

कॉकपिटमध्ये अर्लट

2023 मध्ये झालेल्या VT-DBL अपघाताच्या प्राथमिक तपासणी अहवालानुसार, विमान धावपट्टीवर उतरताना सतत उजवीकडे सरकत होते. ऑटोपायलट बंद केल्यानंतर सुमारे 40 सेकंदांनी कॉकपिटमध्ये एक अलर्ट वाजला आणि विमान स्टॉल होऊ शकते असा इशारा मिळाला. यानंतर ग्राउंड प्रॉक्सिमिटी वॉर्निंग्स आल्या आणि विमान मुंबई विमानतळावरील दोन टॅक्सीवेच्या छेदनबिंदूवर कोसळले.

विमानाला आग, अग्निशमन दलानं…

परिणामी, विमानाचा सांगाडा दोन तुकड्यांमध्ये तुटला आणि ते घसरत जाऊन टॅक्सीवे यू आणि टॅक्सीवे एन च्या छेदनबिंदूजवळ एका कच्च्या जागेवर थांबले. अपघातानंतर आग लागली आणि अग्निशमन दलाने त्वरित आग विझवली. विमानातील सर्व प्रवाशांना बाहेर काढण्यात आले. त्यांना दुखापती झाल्या आणि त्यांना तात्काळ जवळच्या रुग्णालयात दाखल करण्यात आले. प्रवाशांना आणि पायलट इन कमांडला खबरदारीचा उपाय म्हणून उपचारानंतर डिस्चार्ज देण्यात आला. सह-पायलटला गंभीर दुखापत झाली होती आणि त्याला जास्त काळ रुग्णालयात दाखल करावे लागले,” असे प्राथमिक तपासणी अहवालात म्हटले आहे.