खासदार प्रणिती शिंदेंच्याच प्रभागात भाजपने उडवला ‘धुव्वा’

काँग्रेस खासदार प्रणिती शिंदेंच जुन घर सोलापूर विजयपूर महामार्गावर जाई जुई या नावाने आहे.प्रभाग 23 काँग्रेस खासदार प्रणिती शिंदें यांचं घर आहे. या प्रभागात महाविकास आघाडी आणि भाजप अशी जोरदार लढत झाली होती.दीपाली शहा(काँग्रेस),अलका राठोड(शिवसेना ठाकरे पक्ष),लक्ष्मण जाधव(ठाकरे पक्ष),सुनीता रोटे(राष्ट्रवादी तुतारी) असे महाविकास आघाडीचे उमेदवार होते.मात्र भाजपच्या पॅनलने महाविकास आघाडीच्या पॅनलचा सुफडा साफ केला आहे.खासदार प्रणिती शिंदें राहत असलेल्या प्रभागात भाजपचा पॅनल भरगोस मतांनी विजयी झाला आहे.

महाविकास आघाडी कडून दीपाली शहा (काँग्रेस) यांचा पराभव भाजपच्या आरती वाकसे यांनी पराभव केला आहे. ,महाविकास आघाडीच्या अलका राठोड या शिवसेना ठाकरे पक्षाकडून उभ्या होत्या.भाजपच्या ज्ञानेश्वरी देवकर यांनी अलका राठोड यांचा पराभव केला. अलका राठोड या काँग्रेस कडून माजी महापौर होत्या.नुकतीच अलका राठोड यांन ठाकरे गटाकडून उमेदवारी मिळाली होती.भाजपच्या ज्ञानेश्वरी देवकर यांनी पराभूत केले.कैकाडी समाजातील प्रतिष्ठित नाव असलेले लक्ष्मण जाधव उर्फ काका दोन वेळा नगरसेवक होते,यंदा ठाकरे पक्षाकडून निवडणुकीच्या रिंगणात होते,तसेच कैकाडी समाजाचे नेते आहेत.भाजपचे राजशेखर पाटील यांनी लक्ष्मण काका यांचा पराभव केला आहे.

प्रभाग 19 भाजप विजयी

1)कविता जंगम अ(ओबीसी महिला)

2)व्यंकटेश कोंडी ब(ओबीसी)

3)कलावती गडगे क(सर्वसाधारण महिला)

4)बसवराज केंगनाळकर ड(सर्वसाधारण)

प्रभाग 23 भाजप विजयी

१)सत्यजित वाघमोडे अ(अनुसूचित जाती)

२)आरती वाकसे ब(ओबीसी महिला)

३)ज्ञानेश्वरी देवकर-क-(सर्वसाधारण महिला)

४)राजशेखर पाटील -ड(सर्वसाधारण)

सोलापूर महानगरपालिका निवडणुकीत प्रभाग क्रमांक २ मधून एक धक्कादायक निकाल समोर आला आहे. मनसे नेते बाळासाहेब सरवदे यांच्या खून प्रकरणात न्यायालयीन कोठडीत असलेल्या भाजप उमेदवार शालन शिंदे यांनी तुरुंगातूनच मोठा विजय मिळवला आहे.

उमेदवारी अर्ज मागे घेण्यावरून झालेल्या वादात २ जानेवारी रोजी बाळासाहेब सरवदे यांची हत्या झाली होती. या प्रकरणात शालन शिंदे यांच्यासह त्यांचे कुटुंब तुरुंगात आहे. प्रचारासाठी प्रत्यक्ष मैदानात नसतानाही, त्यांनी शिवसेना (शिंदे गट) उमेदवार आफ्रिन पठाण यांचा १०,७६७ मताधिक्याने पराभव केला. भाजप आमदार विजयकुमार देशमुख यांचे पुत्र डॉ. किरण देशमुख यांनी या प्रभागात भाजपच्या पॅनलचे नेतृत्व केले होते. या निकालामुळे संपूर्ण सोलापूर जिल्ह्यात खळबळ माजली आहे.