एका अकरावीच्या मुलीवर लैंगिक अत्याचार करण्यात आल्याचा धक्कादायक प्रकार उघडकीस आला आहे. पोलीस तपासातून समोर आले की, आरोपीने अल्पवयीन विद्यार्थिनीवर चार वेगवेगळ्या वाहनांमध्ये लैंगिक अत्याचार केला.
पोलिसींनी आरोपीच्या ताब्यातून चार कार जप्त केल्या आहेत. ही घटना मध्य प्रदेशच्या भोपाळमधील घडली आहे.
विद्यार्थिनीवर वेगवेगळ्या ठिकाणी कारमध्ये अत्याचार
आरोपी औसाफ हा तुरुंगात आहे, तर त्याचा साथीदार हा माझ खानला देखील अटक करण्यात आली आहे. प्रकरणाचे गांभीर्य ओळखून पोलीस आयुक्तांनी विशेष तपास पथक स्थापन केले. एसीपी अंकिता खटारकर यांच्याकडे या एसआयटीचे नेतृत्व करण्याची जबाबदारी सोपवण्यात आली आहे. पोलीस तपासातून दिसून आले की, विद्यार्थिनीवर कारमध्ये अनेकदा अत्याचार केले होते.
आरोपीकडून धक्कादायक खुलासे
मुख्य आरोपी औसाफ अली खानला 3 फेब्रुवारी रोजी अटक करून तुरुंगात पाठवण्यात आले, त्याचा साथीदार माझ खानला 8 फेब्रुवारी रोजी अटक करण्यात आली आणि तो 13 फेब्रुवारीपर्यंत कोहेफिजा पोलीस ठाण्याच्या कोठडीत आहे. माझ खानची भोपाळमध्ये एक व्यायामशाळा आहे. चौकशीदरम्यान माझ खानने धक्कादायक खुलासे केले आहेत.
अश्लील व्हिडिओ रेकॉर्ड करत व्हिडिओ व्हायरल करण्याची धमकी
आरोपी मेजरने सांगितलं की, खुनगाव परिसरात थार कारमध्ये औसाफ अलीने तिच्यावर लैंगिक अत्याचार करण्यात आला, नंतर ते अश्लील व्हिडिओ रेकॉर्ड करण्यात आले आणि नंतर एकमेकांना पाठवले. संबंधित व्हिडिओ व्हायरल करण्याची पीडितेला धमकी दिली होती आणि नंतर पीडितेकडून 40 हजार रुपये उकळले होते.
पोलिसांच्या म्हणण्यांनुसार, गुन्ह्यात वापरण्यात आलेली थार ही सिहोर जिल्ह्यातील एका गावात लपवण्यात आली. व्हिडिओ रेकॉर्डिंगसाठी वापरलेला मोबाईल अद्यापही सापडला नाही. तपासातून समोर आलं की, मेजरची कोहेफिजा पोलीस ठाण्यात एका हेड कॉन्स्टेबलशी मैत्री झाली होती, ज्यावर गोपनीय माहिती लीक केल्याचा आरोप आहे.
