एका तरुणाने 7 वर्षाच्या अल्पवयीन मुलावर लैंगिक अत्याचार केले. नमाज शिकवण्याच्या नावाखाली आरोपीने हे घृणास्पद कृत्य केल्याची माहिती समोर आली. तरुणाने पीडित मुलाला मशिदीच्या छतावर नेले आणि त्याच्याशी अनैसर्गिक लैंगिक शरीरसंबंध बनवले.ही घटना गुजरातमधील अहमदाबादमध्ये घडल्याचं सांगण्यात येत आहे.
मुलाला नमाज अदा कराण्याचे आमिष दखवून मिशिदीच्या छतावर नेत केले अत्याचार
संबंधित घटनेच्या काही तासानंतर पोलिसांनी आरोपीला अटक केली आहे. आरोपीचे नाव नोमान शेख (वय 23) असे आहे. तो पीडित मुलाच्या शेजारील असल्याचे सांगण्यात येत आहे. त्याने पीडित मुलाला नमाज अदा कराण्याचे आमिष दाखवले, नंतर दुपारी 1:37 वाजता मिशिदीच्या छतावर नेत सुमारे 15 ते 20 मिनिटे अत्याचार केला.
पीडित मुलाने घरी परतल्यानंतर घटनेची माहिती दिली
दरम्यान, त्याने मुलावर असं घृणास्पद कृत्य केलं, या घटनेनंतर मुलगा घरी परतला असता त्याने क्रूरतेची एकूण कहाणी सांगितली. त्याची प्रकृती बिघडत असल्याचे पाहून त्याला तात्काळपणे रुग्णालयात दाखल केले. मुलाने दिलेल्या जबाबाच्या आधारे गायकवाड हवेली पोलीस ठाण्यात आरोपीविरुद्ध गुन्हा दाखल करण्यात आला आणि पुढील तपास सुरु केला.
पोलिसांनी मशिदीच्या आजूबाजूच्या काही सीसीटीव्ही फुटेजची तपासणी केली असता, आरोपी मुलाला छतावरून घेऊन जात असल्याचे स्पष्टपणे दिसून आले. संबंधित प्रकरणातील ठोस पुरावे मिळाल्यानंतर पोलिसांनी आरोपीला अटक केली. आरोपी नोमान शेख याचीही गुन्हेगारी पार्श्वभूमी असल्याचे सांगण्यात येत आहे.
