शहरातील सिडको एन-8 परिसरात एक अत्यंत संतापजनक आणि लज्जास्पद प्रकार उघडकीस आला आहे. ज्या मैत्रिणीसोबत एकाच रूममध्ये राहून सुख-दु:ख शेअर केली तिनेच विश्वासघाताची सीमा ओलांडली आहे. हॉस्टेलवर राहणाऱ्या एका तरुणीनं आपल्या रूममेटचे कपडे बदलतानाचे गुपचूप व्हिडिओ आणि फोटो काढून ते आपल्या एका प्रियकराला पाठवल्याचा धक्कादायक प्रकार समोर आला आहे.
स्वराज धालगडे असं प्रियकराचे नाव आहे. दरम्यान, याप्रकरणी पोलिसांनी दिलेल्या माहितीनुसार, या प्रकरणातील पीडित तरुणी आणि आरोपी या एम.जी.एम हॉस्टेलमध्ये रूममेट म्हणून एकत्र राहत होत्या. 18 जानेवारी रोजी, पीडित तरुणी कपडे बदलत असताना आरोपी मैत्रीनीने संधी साधून आपल्या मोबाईलमध्ये तिचे खासगी फोटो आणि व्हिडिओ टिपले. हे व्हिडिओ तिने तात्काळ तिचा प्रियकर स्वराज धालगडे याला पाठवून दिले.
जाब विचारताच मारहाण आणि ब्लॅकमेलिंग
काही वेळाने हा धक्कादायक प्रकार पीडितेच्या लक्षात आला. तिने जेव्हा आरोपी मैत्रिणीला विचारले की ‘तू माझे फोटो आणि व्हिडिओ का काढले? आणि ते प्रियकराला का पाठवले?’ तेव्हा आरोपी मैत्रीण आणि तिचा प्रियकर स्वराज यांनी तिला सहकार्य करण्याऐवजी उलट मारहाण केली. इतकेच नाही तर ‘जर तू याप्रकरणी पोलिसांत तक्रार दिलीस, तर मी आत्महत्या करेन’ अशी धमकी देऊन आरोपीने पीडितेवर दबाव निर्माण करण्याचा प्रयत्न केला.
दोघांविरुद्ध गुन्हा दाखल
या त्रासाला कंटाळून पीडित तरुणीने अखेर सिडको पोलीस ठाण्यात धाव घेतली. पोलिसांनी या प्रकरणाचं गांभीर्य ओळखून पीडितेची आरोपी मैत्रीण आणि स्वराज धालगडे या दोघांविरुद्ध गुन्हा दाखल केला आहे. पोलीस निरीक्षक अतुल येरमे यांच्या मार्गदर्शनाखाली पोलीस उपनिरीक्षक नरळे या प्रकरणाचा अधिक तपास करत आहेत.
घरी एकटी असल्याने जायचा अन् कायम…
ज्या मित्रावर पतीने विश्वास टाकला त्याच मित्राने मैत्रीच्या नात्याला काळिमा फासल्याची संतापजनक घटना समोर आली आहे. पतीचा बालमित्र असल्याचा फायदा घेत एका 19 वर्षीय तरुणाने 27 वर्षीय विवाहितेवर वारंवार अत्याचार केल्याचा प्रकार उघडकीस आला असून पाचोड पोलिसांनी या नराधमाला बेड्या ठोकल्या आहेत.
